INTERNET ETA BERE ARRISKUAK UMEENTZAT

Guztiengandik jakina da internet informazio iturri amaigabea dela. Baina betiere informazio guzti hau ez da egokia guztientzat; esate baterako umeen kasua aipagarria da.

Umeak hainbat mezuen erakargarritasunaren aurrean oso zaurkor bihurtzen dira. Hasiera batean dena oso atsegina izan daiteke, baina dakarren ondorioak haurraren kalterako izan daitezke. Bideo honetan ikusten denez badira hainbat aspektu oso argi eduki behar dituztenak, bai gurasoak baita umeak ere.



Hona hemen bideoan aipatutako arriskuak:

- Beste umeen edo pertsonengandik jasotako irainak eta mehatxuak.
- Interneteko zenbait orrialdetan sartzea ekidin behar dute, nahigabe sartuz gero lehenbailehen hauetatik irten beharko dira inolako baldintzarik onartu gabe; adibidez, bortizkeria azaltzen den orrietan, pornografiarekin zerikusia duten orrialdeak, dirua eskatzen duten orrialdeak,....
- Datu pertsonalak eta pasahitzak eskatzen duten orrialde eta pertsonak baztertu.
- Kontu handiz jokatu behar dugu internetez egiten ditugun lagunekin, askotan ez baitira diruditena, eta ezin jakin haien asmoak.

Azken finean umeak umeak dira, eta haiek ez dute ezagutzen edonolako informazioa ematea edo ikusteak izan ditzazkeen arriskuak. Informazio jario hau kontrolatu behar dutenak, umearen heziketaz arduratu behar diren helduak dira; hala nola, guraso, irakasle, begirale, anai-arrebak,....

TABLET PC-A ETA HAUR HEZKUNTZA

Lehenik eta behin Tablet PCa zer den argitzeko beharrean aurkitzen gara. Teknologi berri hau ordenagailu eta PDAren arteko zerbait da, zeina ukimen-pantaila batez eta hau erabiltzeko arkatzen osatzen dena. Harirk gabeko konexiak gelako edozein tokitik garraiatzea ahalbidetzen du, bestalde kolpeen kontrako estruktura berezia dauka eta edonolako kolpeak jasaten ditu, baita likido isuriak ere.

Ezaugarri guzti hauek aproposak dira teknologia mota hau Haur Hezkuntzan erabiltzeko (artikulua irakurtzeko klikatu hemen). Gaur egun umeak oso azkar ikasten dute teknologia berrien erabilpena, teknologia berrien aroan jaio baitira, arazo handiena hauetako tresna gehienak oso hauskorrak direla da, horregatik da hain aproposa Tabet PCa.

Aipatzekoa da baita ere umeek adin honetan dauketen ikasteko grina eta interesa, honek asko laguntzen du material hauen erabilpen aproposan. Bideo honetan ikusten dugu zer nolako lanak egin ditzakete Tablet PCarekin eta zer nolako errespetuaz erabiltzen duten.




Beste artikulu batzuetan aipatu dugun bezala, teknologia berriak betiko metodoekin konbinatu behar direla uste dugu, Tablet PCak oso erabilgarriak dira Haur Hezkuntzan baina ez dugu ahaztu behar zein nolako gozatuak hartzen genituen txikitan plastilina eta margoak eskuekin manipulatzen.

BIEO JOKOAK, HEZITZAILEAK IZAN DAITEZKE?

Betidanik gertatu den bezala pertsona batzuk gustuko dute klase tradizional bat jasotzea, non irakasleak hitzez-hitz ematen dituen datuak eta ikasleek apunteak eskuz hartu besterik ez dute egiten, baino beste batzuei metodo hau aspergarri egiten zaie.

Nola egin dezakegu historiako bi orduko saio bat interesgarri? Aukera bat baino gehiago egon daiteke helburu hori lortzeko, baina oraingoan teknologia berriek ematen duten posibilitate batetaz arituko gara, hain zuzen ere, bideojoko hezkitzaileetaz.





Bideo joko mota hauek aipatzeko duten lehenengo onura era dibertigarri batean ikasteko aukera ematen digutela da. Horrek suposa dezake ikasleen motibazioa eta kontzentrazioa handiagoa izatea. Motibazio eta kontzentrazio maila altuak ikasmateriaren ulermen hangiagoa, edukien barneratze hobea eta gaitasun fisiko zein mentalen entrenamendua dakartza.

Beti ere argi eduki behar da heziketan barneratzen ari den berrikuntza honek, ez dituela liburuak ordezkatuko, baizik eta konpletmentu bat bezala jardungo duela.

Ikasleetan honelako eragina izan dezake:

-Historiaren parte sentitzen dira eta edukiak bizipenak bezala barneratzen dituzte.
-Umeek autonomia handiagoa dute; hau da, erabakiak hartzen dituzte, erabaki hauen ondorioekin kontsekuente izan behar dira, eta erabakia zuzena ez izatekotan horren zergatia eta hautabide berri bat bilatu beharko dute.

Bideo joko hauek ikastetxeetan erabiltzeko proposamenak egin dira, baina gaur egun ere oraindik ez dira leku askotan erabiltzen.

Bideo joko hauen adibide gisa, Imperium Civitas proposatuko genuke, non historia ikasten da modu interaktibo eta erraz batean. Hemen duzue bideo joko honi buruzko azalpen grafiko bat eta iritzi batzuk.

SARERA ATXIKITUAK

Txinan 18,3 milioi nerabe internetzale daude eta hauetatik bi milioi baino gehiago atxikimenduak jota. Bestalde aipatzekoa da ere, egoera hau gehien jasaten dutenak, guraso eta irakasleak hunkitzen dituztenm, "ume onak" dira; Txina Dailyak aipatzen duen bezala (artikulua irakurtzeko hemen sakatu).




Sareari emana dagoen gehienezko populazioa 15 eta 20 urte bitarteko gizonezkoak dira. Hoietatik hiri handietan dauden ehuneko 15a berehalako laguntza behar dute, askok legez kanpoko jokabidea azaltzen baitute, internet duten taberna ilegaletara jotzen dute, eta kasu batzuetan biolentzia eta delituetan murgiltzen dira.

Gao Wenbin psikologo txinatarrak dihoenez eskoletan dagoen dibertsio eza ikusten du errudun. Daukaten energiari ez badiote irteerarik aurkitzen mundu errealean, birtualera joko dute.




Lehen aipatu dugun bezala, hau guztia Txinan gertatzen bada ere, bideo honetan ikusten dugun moduan hemengo telesaio batzuetan, nahiz eta era komikoan, arazo hau aipatzen hasten dira.

Beraz adi egon behar dugu arazo honekin, gure esku egon daiteke hezitzaile garen edo izango garen hein batean nerabei energia irteera aproposak ematea. Modu errealean edo birtualean izan daiteke, baina azken aukeran izanez gero era kontrolatu batean izan beharko du.

Bullying-a eta teknologia berriak

Hemen duzue teknologia berriei eta bullying-ari buruzko mapa kontzeptuala






Teknologiak hobetzearekin batera, honen erabilpenak ugaritu egin dira. Arazo berdinerako bi ikuspuntu agertzen zaizkigu. Ikuspuntu batetik arazoaren murrizketa edo ezabapena bilatzen da; bestetik ordea, arazoa areagotzen da eta teknologia berriez baliatzen da kalte egiteko.

Oraingoan azaltzen dugun arazoa, bullying-a edo akoso eskolarrarena da. Aipatu dugun bezala teknologia berriak arazo hau murrizten edo prebenitzen saiatzen da. Nola? Teknologia berriak aplikazio ugari ditu buruhauste hau ekiditeko: Batetik prebentziorako kasuak azaltzen zaizkigu, hala nola, bideo jokoak, informazio web orriak edo plataformak, bideo prebentiboak,... Bestetik erasotuak bere sentimenduak edo bizipenak argira eraman ditzan, teknologia berriek kanal ezberdinak eskaintze ditu; hauen artean, foroak, blogak, laguntza profesionala eskaintzen dituzten telefonoak aurki ditzazkegu.

Aurretik azaldutakoaz gain teknologia berriak arazoa okerrera ere eraman dezake. Honi cyberbullying-a deritzo. Zertan datza? Bitarteko tematikoen (internet, telefonia mugikorra,gizarte sareak,...) bidez eraso psikologikoak (apaldurak, irainak, mehatxuak, ...) jasatea. Gehienetan eraso hauek pairatzen dituztenak nerabeak, irakaslegoa eta ikastetxeetako langileak izaaten dira. Mota ezberdinetako erasoak izaten dira:

-Telefono mugikorrekin egindako grabaketak.
-Sms eta emailez egindako mehatxuak.
-Interneten jarritako bideo eta argazki mingarriak.
-Nortasun ordezkapenak gizarte sareetan.
-Behin eta berriro telefono eta internetez irainak jasotzea.

Gure ustez arazo honen zergatia teknologia berrien dohaineko erabilpena izan daiteke. Hau da, teknologia bakoitza daukan funtziorako erabili behar da. Bestalde nerabeak kontzientziatu behar ditugu txikitatik errespetuzko gizarte batean, non bakoitzak nahi duen egin dezake betiere besteen kaltetan ez bada.

TEKNOLOGIA BERRIAK ETA INFORMAZIOA

Idatzitakoa irakurri baino lehenago bideoa ikustea gomendatzen dizuegu.


21. mendean sartuta gaude, informazioa behar-beharrezkoa dugun mendean, pentsaezina da oraindik ere lurralde askotan informazioa lortzeko arazoak egotea.

Teknologia etengabeko berrikuntza batean sartuta dago, baina informazioa lortzeko gaur egun oinarrizko elementu batzuk behar ditugu, esate baterako ordenagailuak eta internet sarea. Elementu hauek edonon aurkitzea normaltzat hartzen badugu ere,, errealitatean ez dugu hau ikusten. Aipatzekoa da Cubaren kasua. (artikulua irakurtzeko hemen klikatu).

Cuban 2008an teknologiari buruzko egoera hau zen:

-Ordenagailuen salmenta Cubako biztalerarentzat irekitzen da. Orain arte atzerritarrentzat eta enpresentzat mugaturik baitzegoen.

-DVD eta beste etxekotresna elektikoen salmenta ahalbidentzen du gobernuak.

-1990etik zegoen legea, zeinak turistak zirenei soilik telefono mugikorrak erabiltzea ahalbidetzen zien, moldatu da, bertako biztanlei askatasun edo eskubide honetaz balia daitezen.

-Nahiz eta ordenagailuen salmenta aurrera joan, internet ez dago guztien esku, herrialdea ez baitago prest sare hau jasotzeko eta internet satelitez hartzea oso garesti suertatzen da biztanleria xumearentzat.


Aurreko bideoan ikusi dugun moduan informazioa geroz eta beharrezkoagoa da. Soilik boterean dauden estamentuek emandako informazioa izateak pentsamendu korronte bakarra suertatzen du, boterean nahi duen bezala, hau da, artalden baten modun. Azken finean Francis Bacon esan zuen bezala: "la información es poder".

Beraz bakoitzak bere iritzi pertsonala izateko, ezinbestekoa ikusten dugu informazio iturri ezberdinak eskuragarri izatea eta kontsultatzea.

Hala ere, gizarte "aurreratuan" bizi garenok informazio oso eta guztia dugu eskuragarri?